Мемлекеттік корпорация өкілдерінің айтуынша, жас жұбайлардың көпшілігі некені тіркеу үшін есте қаларлық әрі әдемі күндерді таңдауды жөн көреді.
"2025 жылғы 31 желтоқсанда еліміз бойынша барлығы 487 неке тіркелді", – делінген КЕАҚ-тың Instagram парақшасында жарияланған хабарламада.
"Азаматтарға арналған үкімет" Жаңа жыл қарсаңында неке ең көп тіркелген бес өңірді атап өтті:
- Алматы қаласы – 68 жұп;
- Түркістан облысы – 61 жұп;
- Астана қаласы – 47 жұп;
- Жамбыл облысы – 37 жұп;
- Қарағанды облысы – 30 жұп.
"Күнтізбедегі осындай ерекше даталар отбасын құруды жоспарлаған азаматтар арасында дәстүрлі түрде сұранысқа ие болып қала береді", – деп қосты мемлекеттік корпорация өкілдері.