Ұлттық тестілеу орталығының мәліметі бойынша, электрондық форматтағы емтихан келесі қалаларда өткізіледі: Астана, Алматы, Шымкент, Ақтөбе, Ақтау, Атырау, Жезқазған, Қарағанды, Көкшетау, Қостанай, Қызылорда, Өскемен, Орал, Петропавл, Павлодар, Семей, Тараз, Талдықорған, Түркістан.
Өтініштер 27 наурыздан 8 сәуірге дейін қабылданады.
Өтініш беру үшін:
- Сайтқа тіркелу;
- "Өтініш беру" батырмасын басу;
- "Қазақ тілін меңгеру деңгейін бағалау жүйесі – КАЗТЕСТ" опциясын таңдау;
- "КАЗТЕСТ жүйесі бойынша сертификаттау тестілеуі" батырмасын басу.
Тестілеу 4 блоктан тұрады:
- Тыңдау (Аудирование) – 20 тапсырма, 20 минут;
- Оқу (Чтение) – 40 тапсырма, 50 минут;
- Жазу (Письмо) – 2 тапсырма, 50 минут;
- Сөйлеу (Говорение) – 2 тапсырма, 7 минут.
- Сертификат алу үшін әр блок бойынша қажетті шекті балл жинау қажет.
""Жазу" және "Сөйлеу" бөліктері бойынша нәтижелер тестіленушінің жеке кабинетінде тестілеу аяқталғаннан кейін 15 жұмыс күні ішінде жарияланады", – деп хабарлайды Ұлттық тестілеу орталығы.
Тестілеуге қатысу құны – 7121 теңге.
Айта кетейік, бұған дейін Қазақстандағы ЕНТ нәтижелерін жаппай жою туралы ақпарат жарияланған болатын.