Аталған шара уәкілетті мемлекеттік органдармен тығыз өзара іс-қимыл арқылы жүзеге асырылуда. Іс-шараның алғашқы екі күніндегі қорытынды бойынша борышкерлерге тиесілі 10-нан астам автокөлік арнайы айыппұл тұрағына қойылды.
Сонымен қатар жалпы сомасы 10 млн теңгеден асатын берешегі бар, айыппұлдарын төлемеген тұлғалар анықталып, жауапкершілікке тартылды. Алматы қаласы полиция департаменті әкімшілік полиция басқармасының бастығы Әбдінұр Тасыбаевтың айтуынша, "Борышкер" жедел-профилактикалық іс-шарасы жауапкершіліктің бұлтартпастығы қағидатын қамтамасыз етуге бағытталған.
"Әрбір азамат өзіне жүктелген қаржылық міндеттемелерді — айыппұл, салық немесе алимент болсын — уақтылы орындауға тиіс. Міндеттемелерді орындаудан жалтарған жағдайда мәжбүрлеп өндіріп алу шаралары қолданылады. Олардың қатарында көлік құралдарын арнайы айыппұл тұрағына қою да бар, – деді ол.