Президенттің айтуынша, бұл шешім тарихи әділеттілікті қалпына келтірудің маңызды қадамы болмақ.
"Үкімет пен медицина қауымдастығының Қарағанды медициналық университетіне оның негізін қалаушы және көпжылдық жетекшісі Петр Моисеевич Поспеловтың есімін беру жөніндегі бастамасын қолдаймын. Бұл шешім осы көрнекті тұлғаның 125 жылдық мерейтойы қарсаңында тарихи әділеттілікті қалпына келтірудің айқын көрінісі болады", – деді Президент.
Сонымен қатар Мемлекет басшысы Астана медицина университетіне ұлттық мәртебе беруді және оған ғалым Төрегелді Шармановтың есімін беру бастамасын да қолдайтынын жеткізді.