Ақорданың баспасөз қызметі берген ақпаратқа сай, президент бұл айтулы оқиғаның Норвегия монархиясы тарихындағы маңызына тоқталды.
"Бұл айтулы күн сабақтастықтың, бірлік пен ұлттық бірегейліктің ажырамас бөлігі саналатын сан ғасырлық Норвегия монархиясының тарихындағы жаңа кезеңге жол ашады. Сіздің қалтқысыз қызметіңіз мемлекетті одан әрі өркендетіп, халықтың игілігін арттыра беретініне сенімім кәміл", – делінген жеделхатта.
Сонымен қатар Қасым-Жомарт Тоқаев ортақ күш-жігердің арқасында Қазақстан мен Норвегия арасындағы ынтымақтастық алдағы уақытта да нығая түсетініне сенім білдірді.