"Қазгидромет" РМК мамандарының мәліметінше, түнде аяз болады:
- -2...-7 градусқа дейін – Жетісу облысында, Жамбыл облысының батысы мен шығысында;
- -2 градусқа дейін – Қызылорда облысының шығысында топырақ бетінде үсік жүреді.
"Атмосфералық фронттардың әсерінен республиканың солтүстік-батысында, солтүстігінде және шығысында ауа райы тұрақсыз болады. Жауын-шашын (жаңбыр, қар), көктайғақ және жаяу бұрқасын күтіледі. Қазақстанның қалған бөлігінде ауқымды антициклонның сілемі әсерінен жауын-шашынсыз ауа райы сақталады. Республика бойынша жел күшейіп, тұман түседі. Елдің оңтүстігінде шаңды дауыл соғады", – деп хабарлады "Қазгидромет" РМК баспасөз қызметі.
Сондай-ақ Қазақстанның бірқатар өңірінде өрт шығу қаупі жоғары болады.
Өрт қаупі жоғары: Атырау облысында, Маңғыстау облысының орталығында, Батыс Қазақстан облысының батысында, оңтүстігі мен шығысында, Ақтөбе облысының шығысында, Қызылорда облысының солтүстігінде, Қостанай облысының оңтүстігінде, Түркістан облысының батысы мен солтүстігінде;
Төтенше өрт қаупі жоғары: Қызылорда облысында, Ақтөбе облысының батысында, оңтүстігі мен орталығында, Атырау облысының солтүстігінде, оңтүстігі мен шығысында, Қарағанды облысының батысында, Ұлытау облысының батысы мен орталығында, Жетісу облысының шығысында.