2027 жылғы жәрдемақылар: eGov Mobile қосымшасында отбасылардың әл-ауқатын бағалау калькуляторы пайда болды

eGov Mobile мобильді қосымшасында жаңа сервис – әл-ауқатты бағалау калькуляторы қолжетімді болды, деп хабарлайды Zakon.kz.

Бұл туралы 2026 жылғы 18 қазанда Қазақстанның Еңбек және халықты әлеуметтік қорғау министрлігі мәлімдеді.

"Жаңа құрал 2027 жылғы 1 қаңтардан басталатын мемлекеттік қолдаудың жекелеген шараларын атаулы түрде көрсетуге көшу аясында іске қосылды. Калькулятор азаматтарға бағалау өлшемдерімен танысып, отбасының әл-ауқат деңгейін анықтауға мүмкіндік береді".

Ведомствоның нақтылауынша, бағалау әдістемесінде табыс пен мүлік қана емес, негізгі әлеуметтік жағдайлар да ескеріледі:

• отбасы құрамы;
• балалардың, қарттардың және мүгедектігі бар адамдардың болуы.

Еңбек министрлігінің мәліметінше, бағалау үшін алты бағыт бойынша 59-дан астам көрсеткіш қолданылады.

"Есептеу азаматтың өзі көрсеткен мәліметтер негізінде жүргізіледі және анықтамалық сипатқа ие. Оның нәтижесі әлеуметтік төлемдерді тағайындау немесе тоқтату туралы шешім болып саналмайды", – делінген министрліктің баспасөз қызметі таратқан хабарламада.

Қазақстанда халықтың әл-ауқат санаттарын анықтау калькуляторы 2026 жылғы 16 қазанда іске қосылды.