Іс-шараның мақсаты – құқық қорғау және арнайы органдар күштері мен құралдарының террористік қауіп-қатерлерге жедел ден қоюға дайындығын тексеру.
Оқу-жаттығу өтетін аумақта бірқатар шектеу шаралары енгізіледі. Атап айтқанда, жаяу жүргіншілер мен көлік қозғалысына шектеу қойылуы мүмкін.
"Осыған байланысты азаматтарды оқу-жаттығу шараларына түсіністікпен қарауға, қауіпсіздік талаптарын сақтауға, мемлекеттік органдар қызметкерлерінің заңды талаптарын орындауға, тек ресми ақпарат көздеріне сенуге және жалған ақпарат таратпауға шақырамыз", – деп хабарлады Астана қалалық терроризмге қарсы күрес жөніндегі жедел штаб.