18 наурыз күні сағат 15:00-де Игорь Дужновқа қатысты қылмыстық іс бойынша алдын ала тыңдау өтті. Алдын ала сот отырысында сотталушы алқабилердің қылмыстық істі қарауынан бас тартты. Істі судья қарайды. Басты сот отырысы 29 наурыз күні сағат 10.00-ге белгіленді. Алматы қалалық сотының баспасөз хатшысы Абай Жарылқасын
10 наурызда Игорь Дужновтың ісі сотқа жіберілгені белгілі болды.
Еске салайық, 2021 жылдың 20 қыркүйегінде Алматының Алатау ауданындағы Ақбұлақта 54 жастағы Игорь Дужнов басқаларға оқ жаудырған. Нәтижесінде бес адам қайтыс болды. Олардың арасында сот орындаушысы, екі полицей және екі бейбіт тұрғын бар. Белгілі болғандай, бейбіт тұрғындардың бірі үйдің жаңа қожайыны болса, екіншісі оның танысы.
«Кісі өлтіру» және «Билік өкіліне шабуыл жасау» баптары бойынша тергеу басталды.
Кісі өлтіргені үшін ер адам 20 жылға дейін бас бостандығынан айырылуы немесе өмір бойына бас бостандығынан айырылуы мүмкін.
