Ақтөбе облысында тас жолда болған жол апатынан үш адам қаза тапты

30 қазанда Қобда – Жиренқопа тас жолында жол апаты болып, екі жүргізуші мен бір жолаушы қаза тапты, деп хабарлайды Zakon.kz.

Ақтөбе облысының полицейлері ВАЗ-2110 көлігінің 24 жастағы жүргізушісі қарсы жолаққа шығып кетіп, Lada Vesta көлігімен соқтығысқанын мәлімдеді.

Екі жүргізуші де, жолаушы да алған жарақаттарынан оқиға орнында көз жұмды.

Сурет: Ақтөбе облысы ПД баспасөз қызметі

Бұл факті бойынша Қазақстан Республикасы Қылмыстық кодексінің 345-бабының 4-бөлігімен сотқа дейінгі тергеу басталғаны хабарланды.

17 қазанда Павлодар облысындағы тас жолда жол апаты болып, бір адам қаза тапты. Коряковка ауылының маңында Toyota Alphard көлігінің 73 жастағы жүргізушісі тізгінге ие бола алмай, шұңқырға аударылып кеткен.