Өйткені, жәбірленушілер көбі агрессорға қаржылық және психологиялық тұрғыдан тәуелді. ІІМ берген мәліметіне сәйкес, қылмысқа баратындардың 80% жұмыссыз, жасөспірімдер арасындағы қылмыстардың 47 еш жерде жұмыс істемейді немесе еш жерде оқымайды. Адамның жеке басына қатысты қылмыстардың 50% мас күйінде жасайды, деп жазады qazaqstan.tv.
Сондықтан Ішкі істер министрлігі Әкімшілік отбасылық зорлық-зомбылықпен күресу мақсатында құқықбұзушылық туралы кодекске өзгеріс енгізбекші. Бұл туралы ІІМ Әкімшілік полиция комитеті мәлімдеді. Жаңа өзгеріске сай, енді ерлі-зайыптыларға мәмілеге келу үшін сотта бір ғана мүмкіндік беріледі. Аталған өзгерістер 1 шілдеден бастап күшіне енбек. Бұған қоса, енді жәбірленуші мен агрессорға қайта татуласу мүмкіндігі берілмейді.
"2022 жылдың қыркүйегінде Мемлекет басшысы Қазақстан халқына Жолдауында тұрмыстық зорлық-зомбылық үшін жауапкершілікті қатаңдату жөнінде тапсырма берді. Оны орындау үшін министрлік құқық қолдану практикасы мен халықаралық тәжірибеге жүргізілген талдау негізінде тиісті заңнамалық өзгерістер әзірледі." Ренат Зұлқайыров, ІІМ Әкімшілік полиция комитеті төрағасының орынбасары
