Айта кетсек, 25 тамызда Ұзынкөл ауданында Жастар күніне арналған мерекелік кеш кезінде 9 жасар қызды ток соқты.
"Қазіргі уақытта қыз облыстық балалар ауруханасында ем алып жатыр. Оның жағдайы өте ауыр деп бағаланады. Біздің дәрігерлер баланың өмірін сақтап қалу үшін барлық шараларды қабылдауда, - деп "Наша газета" өңірлік басылымы Мұхаметқалиевтың сөзін келтіреді.
Денсаулық сақтау министрлігінің қолдауымен қосымша тексеру және кеңесу үшін бүгін, 30 тамызда Қостанайға Ұлттық шұғыл медицинаны үйлестіру орталығының екі маманы келіп жетті.
Облыс әкімінің орынбасары іс-шараны аудан әкімдігінің тапсырысы бойынша жеке кәсіпкер ұйымдастырғанын атап өтті. Осы факт бойынша полиция тергеу іс-шараларын қолға алды, оның қорытындысы бойынша кінәлі тұлғалар анықталатын болады.
"Бұған дейін облыс әкімі бұқаралық іс-шараларды өткізу кезінде барлық қауіпсіздік шараларын қатаң сақтау қажеттігін атап өткен болатын. Болған қайғылы жағдайға байланысты тиісті бақылаудың болмағаны үшін Ұзынкөл ауданының әкіміне қатаң сөгіс жарияланды. Сонымен қатар, әкімдік тарапынан іс-шараны ұйымдастыруға жауапты болған аудан әкімінің орынбасары мен бөлім басшысы лауазымдарынан босатылды, - деп сөзін түйіндеді Мұхаметқалиев.