10 ақпанда Ұлттық қауіпсіздік комитетінің баспасөз қызметі хабарлағандай, қаңтарда Ұлттық қауіпсіздік комитетінің Ұлытау облысы бойынша жедел қызметкерлері өңірге аса ірі көлемде есірткі тасымалдайтын арнаны жойды. Департамент қызметкерлері тыйым салынған заттарды таратқан деген күдікпен Жезқазған және Сәтбаев қалаларының төрт тұрғынын ұстады.
"Тінту кезінде 20 келі марихуана, 2 келі гашиш, 250 грамм "альфа-ПВП" психотроптық заты және 30 "марка" ЛСД есірткісі тәркіленді. ҚР Қылмыстық кодексінің 297-бабының 3-тармағы".Ұлттық қауіпсіздік комитетінің баспасөз қызметі
Сот ұсталғандарды қамауға алды. Іс бойынша басқа мәліметтер тергеу мүддесі үшін әзірге жарияланған жоқ.
Бұған дейін Маңғыстау облысында ҰҚК қызметкерлері есірткі тасымалдаушылары мен "жұтынғандарды" ұстағаны хабарланған еді.