Алматы әуежайының ақпараты бойынша, ауа райының қолайсыздығына байланысты мұзға қарсы өңдеу жұмыстарын жүргізу мүмкін болмай жатыр.
"Метеожағдайлар жақсарғанға дейін Алматыдан ұшақтардың ұшуы тоқтатылды. Сондай-ақ, жергілікті уақыт бойынша сағат 19:00-ден бастап Алматы әуежайы ұшып келетін ұшақтарды да қабылдамайтынын хабарлаймыз. Алматы халықаралық әуежайы ауа райы жағдайы жақсарған бойда өз қызметін қайта бастайды", делінген хабарламада.
Бұған дейін Алматы үздіксіз қардың жаууына байланысты жолдарда 11 балдық көлік кептелісі орын алғаны хабарланған болатын.