ТЖМ республика бойынша барлығы 8958 тұрғын үй мен 2994 аула аумағынан су бөлініп, айдалғаны туралы хабарлады.
Атырау облысының Құлсары қаласында мотопомпалар мен қуатты жылжымалы сорғы станцияларын қолдана отырып, қалған 20 су басқан үйден тәулік бойы су сорылды.
Дезинфекцияны ел бойынша ТЖМ-нің 20982 бөлімінің әскери қызметшілері жүргізеді.
Солтүстік Қазақстан облысының Петропавл және Қызылжар аудандарында да су басқан аумақтардан су айдауды жалғастыруда. Тәулігіне 184 үйден су бұрылып, сорылады.
Ақтөбе облысы Ырғыз ауданы Күйліс ауылында су деңгейінің біртіндеп артуына байланысты Торғай өзенінде ұзындығы 2,5 км бөгет салынуда. Су деңгейіне сағат сайын мониторинг жүргізілуде. Жағдай қатаң бақылауда.
Авариялық-құтқару және су тасқынына қарсы жұмыстарға 11 445 адам және 1284 бірлік техника, 329 су айдау құралы және 66 жүзу құралы, алты әуе кемесі жұмылдырылды.
Оқи отырыңыз: Жайықтың суы қауіпті шектен асты.