Ведомствоның баспасөз қызметі, бұл заңсыз шығарылған активтерді қайтару бойынша тұрақты жұмыс аясында жасалғанын атап өтті.
"Осы жұмыс аясында Алматы прокуратурасы 2017 жылы "832 автожөндеу зауыты" АҚ жалғыз акционері активтердің құнын 310 млн теңгеге төмендету арқылы оны заңды тұлғаға сатқанын анықтады", – делінген хабарламада.
Алматы қаласының мамандандырылған ауданаралық экономикалық сотының 2024 жылғы 27 мамырдағы шешімімен прокуратураның мәмілені жарамсыз деп тану туралы талабы қанағаттандырылды.
Мемлекетке ауданы 2,5 мың м2 және 1,87 га аумақтағы ғимарат қайтарылды.
Бұған дейін Жамбыл облысының прокуратурасы 700 млн теңгеден астам бюджет қаражатының негізсіз жұмсалуын алдын алғанын хабарладық.