Мәліметке сәйкес, ҰҚК жанындағы Сыбайлас жемқорлыққа қарсы қызмет 2025 жылғы қазанда 83 құқықбұзушылықты тіркеген.
Олар Қазақстан Республикасының Қылмыстық кодексінің келесі баптары бойынша сараланған:
- 189-бап (сеніп тапсырылған бөтен мүлікті иемдену немесе ысырап ету) – 12 дерек;
- 190-бап (алаяқтық) – 16;
- 195-бап (алдау немесе сенімді теріс пайдалану арқылы мүліктік залал келтіру) – 1;
- 206-бап (ақпаратты заңсыз жою немесе өзгерту) – 1;
- 361-бап (лауазымдық өкілеттіктерді теріс пайдалану) – 2;
- 362-бап (билікті немесе лауазымдық өкілеттіктерді асыра пайдалану) – 3;
- 364-бап (кәсіпкерлік қызметке заңсыз қатысу) – 1;
- 366-бап (пара алу) – 26;
- 367-бап (пара беру) – 11;
- 368-бап (парақорлыққа делдал болу) – 4;
- 380-бап (билік өкіліне қатысты күш қолдану) – 1;
- 394-бап (заңсыз көші-қонды ұйымдастыру) – 2;
- 414-бап (заңсыз ұстау немесе қамауға алу) – 1;
- 433-бап (қылмысты жасыру) – 2 дерек.
Сонымен қатар 54 қылмыстық іс сотқа жолданған. Олардың ішінде:
- 147-бап (жеке өмірге қол сұғу және жеке деректерді қорғау заңнамасын бұзу) – 1 іс;
- 189-бап – 1;
- 190-бап – 17;
- 366-бап – 19;
- 367-бап – 11;
- 368-бап – 5 іс.
"Бұл бағыттағы жұмыс жалғасуда", – деп атап өтті ҰҚК баспасөз қызметі.
Еске сала кетейік, бұған дейін Қазақстан шекарашылары 2025 жылдың қазан айында 4,8 мыңға жуық құқықбұзушылық дерегін анықтаған болатын.