Жетісу облысы Полиция департаментінің дерегіне сүйенсек, Қаблиса Жырау көшесінде, "ТемірҚазық" колледжінің маңында 55 жастағы әйел адам алкогольдік мас күйінде Lixiang маркалы автокөлігін тізгіндеп, электр бағанасына соғылған.
"Соққының күші жоғары болып, көлік айтарлықтай зақымданды. Абырой болғанда, ешкім зардап шеккен жоқ.Полиция қызметкерлері оқиға орнына дереу келіп, жол қозғалысының қауіпсіздігін қамтамасыз етті және барлық мән-жайды тіркеді. Әкімшілік іс материалдары жедел түрде сотқа жолданды",- делінген ақпаратта.
Сот шешімімен құқық бұзушыға келесідей қатаң шаралар қолданылды:
- 7 жыл мерзімге көлік жүргізу құқығынан айыру;
- 20 тәулік әкімшілік қамау.
Бұған дейін Маңғыстау облысында полицейлер тұрғыннан ірі көлемде "синтетика" тәркілегенін жазғанбыз.