Қазақстан Республикасы президентінің көмекшісі – баспасөз хатшысы Руслан Желдібай Ұлттық құрылтайдың V отырысы 2026 жылғы 20 қаңтарда Қызылорда қаласында өтетінін еске салды.
"Сыр бойындағы жиында Президент Қасым-Жомарт Тоқаев сөз сөйлеп, Қазақстанның келешек даму бағдары мен қоғамдағы өзекті мәселелер туралы ойларын ортаға салады", – деп атап өтті Желдібай бүгін, 19 қаңтарда.
Сонымен қатар, Руслан Желдібай Ұлттық құрылтайдың бұған дейінгі отырыстарына тоқталды.
2022 жылы – Ұлытауда;
2023 жылы – Түркістанда;
2024 жылы – Атырауда;
2025 жылы – Бурабайда өтті.
Қасым-Жомарт Тоқаев Ұлттық құрылтай отырысын өткізу күнін 2026 жылғы 12 қаңтарда бекітті.