Атап айтқанда, мансап орталығы директорының лауазымдық міндеттері жаңа редакцияда бекітілді.
Жаңартылған міндеттерге мыналар кіреді:
- мансап орталығына ұйымдастырушылық және әдістемелік басшылық жасау;
- өзін-өзі жұмыспен қамтыған, жұмыссыз және аз қамтылған азаматтарға кәсіби бағдар беру жұмыстарын ұйымдастыру және оның сапалы жүргізілуін қамтамасыз ету;
- халыққа консультациялық көмек көрсету жұмыстарын ұйымдастыру;
- жұмыспен қамтуға жәрдемдесудің белсенді шараларына әлеуетті қатысушыларға бейімдеу қызметтері мен психологиялық қолдау көрсетуді ұйымдастыру;
- келесі бағыттар бойынша іс-шараларды әзірлеу жұмыстарын үйлестіру және ұйымдастыру:
- жұмыспен қамтуға жәрдемдесудің белсенді шараларын іске асыру;
- жүгінген азаматтарды жұмысқа орналастыруға жәрдемдесу;
- кәсіптік оқыту;
- ерікті қоныс аудару және өзін-өзі жұмыспен қамтыған, жұмыссыз, аз қамтылған азаматтарға мемлекеттік әлеуметтік қолдау шараларын көрсету;
- жұмыспен қамтуды реттеу саласындағы ғылыми зерттеулер жүргізуге, еңбек нарығын талдауға және оны дамыту перспективалары бойынша ұсыныстар әзірлеуге, сондай-ақ халыққа кәсіби бағдар беру мен психологиялық қолдау көрсетуге ықпал ету;
- халықты жұмыспен қамту саласына автоматтандырылған цифрлық жүйелерді енгізу және еңбек нарығының деректер базасын қалыптастыру жұмыстарын ұйымдастыру;
- жұмыспен қамту мәселелері бойынша озық тәжірибені зерделеу және жинақтау;
- халықты жұмыспен қамту мақсатында жергілікті атқарушы органдармен, жұмыс берушілермен және ұйымдармен өзара іс-қимыл жасау;
- еңбек нарығындағы сұранысты ескере отырып, кәсіптік оқыту ұйымдастырылатын мамандықтар (кәсіптер) тізбесін айқындау;
- әрбір жағдайда кәсіптік оқытудың ең тиімді нысаны мен өткізу орнын анықтау;
- орталықтың барлық құрылымдық бөлімшелерінің тиімді жұмысын ұйымдастыру;
- қаржы-шаруашылық қызметке басшылық ету, материалдық-техникалық базаны дамыту және бюджет қаражаты мен өзге қаржыландыру көздерінен түсетін қаражатты тиімді пайдалануды қамтамасыз ету;
- қаржы-шаруашылық және өндірістік жоспарлардың орындалуын, шарттардың жасалуы мен орындалуын бақылау;
- ұйымды білікті кадрлармен қамтамасыз ету және қызметкерлер үшін қауіпсіз әрі қолайлы еңбек жағдайларын жасау;
- еңбек тәртібін нығайту және қызметкерлердің біліктілігін арттыру жұмыстарын жүргізу;
- жеке және заңды тұлғалардың өтініштерін уақытылы қарауды және тиісті шешім қабылдауды қамтамасыз ету;
- есепке алу мен есептіліктің уақытылы жүргізілуін қамтамасыз ету;
- өрт қауіпсіздігі қағидаларының сақталуын қамтамасыз ету.
Сондай-ақ Еңбек мобильдігі орталығы директорының лауазымдық міндеттері де жаңартылды:
- Еңбек мобильдігі орталығына (Орталық) ұйымдастырушылық және әдістемелік басшылық жасау;
- өзін-өзі жұмыспен қамтыған, жұмыссыз және аз қамтылған азаматтарға кәсіби бағдар беру жұмыстарын ұйымдастыру және оның сапалы жүргізілуін қамтамасыз ету;
- халыққа консультациялық көмек көрсету жұмыстарын ұйымдастыру;
- жұмыспен қамтуға жәрдемдесудің белсенді шараларына әлеуетті қатысушыларға бейімдеу қызметтері мен психологиялық қолдау көрсетуді ұйымдастыру;
- жұмыс күшіне сұраныс пен ұсынысты талдау және болжау, облыстың, республикалық маңызы бар қалалардың және астананың еңбек нарығының жай-күйі туралы халықты, жергілікті атқарушы органдарды және Еңбек ресурстарын дамыту орталығын ақпараттандыру;
- ұлттық жобалар, облысты, республикалық маңызы бар қалаларды және астананы дамыту жоспарлары, сондай-ақ өңірлік жұмыспен қамту карталары аясында құрылатын жұмыс орындарының есебін жүргізу;
- келесі бағыттар бойынша іс-шараларды әзірлеу жұмыстарын үйлестіру және ұйымдастыру:
- жұмыспен қамтуға жәрдемдесудің белсенді шараларын іске асыру;
- жүгінген азаматтарды жұмысқа орналастыруға жәрдемдесу;
- кәсіптік оқыту;
- ерікті қоныс аудару және өзін-өзі жұмыспен қамтыған, жұмыссыз, аз қамтылған азаматтарға мемлекеттік әлеуметтік қолдау шараларын көрсету;
- жұмыспен қамтуды реттеу саласында ғылыми зерттеулер жүргізуге, еңбек нарығын талдауға және оны дамыту перспективалары бойынша ұсыныстар әзірлеуге, халыққа кәсіби бағдар беру мен психологиялық қолдау көрсетуге ықпал ету;
- халықты жұмыспен қамту саласына автоматтандырылған цифрлық жүйелерді енгізу және еңбек нарығы деректерінің бірыңғай базасын қалыптастыру жұмыстарын ұйымдастыру;
- жұмыспен қамту мәселелері бойынша озық тәжірибені зерделеу және жинақтау;
- халықты жұмыспен қамтуды қамтамасыз ету мақсатында жергілікті атқарушы органдармен, жұмыс берушілермен және ұйымдармен өзара іс-қимыл жасау;
- еңбек нарығындағы сұранысты ескере отырып, кәсіптік оқыту ұйымдастырылатын мамандықтар (кәсіптер) тізбесін айқындау;
- әрбір нақты жағдайда кәсіптік оқытудың ең тиімді нысаны мен өткізу орнын анықтау;
- Орталықтың барлық құрылымдық бөлімшелерінің жұмысын және тиімді өзара іс-қимылын ұйымдастыру;
- қаржы-шаруашылық қызметке басшылық жасау, Орталықтың материалдық-техникалық базасын дамыту, бөлінген бюджет қаражатын және өзге қаржыландыру көздерінен (соның ішінде демеушілік және қайырымдылық көмектер) түсетін қаражатты тиімді пайдалануды қамтамасыз ету;
- қаржы-шаруашылық және өндірістік қызмет жоспарларының орындалуын, шарттардың жасалуы мен орындалуын бақылау;
- ұйымды білікті кадрлармен қамтамасыз ету және қызметкерлер үшін қауіпсіз әрі қолайлы еңбек жағдайларын жасау;
- еңбек және өндірістік тәртіпті нығайту, қызметкерлердің біліктілігін арттыру жұмыстарын жүргізу;
- жеке және заңды тұлғалардың өтініштерін уақытылы қарауды және тиісті шешімдер қабылдауды қамтамасыз ету;
- есепке алу мен есептіліктің уақытылы жүргізілуін қамтамасыз ету;
- өрт қауіпсіздігі қағидаларының сақталуын қамтамасыз ету.
Анықталғандай, мансап орталығының құрылымдық бөлімшесінің (бөлім, сектор) жетекшісі келесі мәселелерді білуі тиіс:
- ҚР Конституциясын;
- ҚР Еңбек кодексін;
- Әлеуметтік кодексті;
- ҚР Цифрлық кодексін;
- Тілдер туралы заңды;
- Халық миграциясы туралы заңды;
- Рұқсаттар мен хабарламалар туралы заңды;
- Сыбайлас жемқорлыққа қарсы заңнаманы;
- Азаматтық құқық негіздерін;
- Құрылымдық бөлімшенің профилі, мамандандыруы және ерекшеліктерін;
- Еңбек саласындағы автоматтандырылған цифрлық жүйелердің негізгі функцияларын;
- Шаруашылық инфрақұрылымын, демографиялық жағдайды, аймақтың (қала, аудан) әлеуметтік-экономикалық даму ерекшеліктерін;
- Аймақ (қала, аудан) ұйымдарының даму перспективалары мен құрылымдық өзгерістерін;
- Аймақтық еңбек нарығының негізгі тенденциялары мен даму бағыттарын;
- Жұмыспен қамтуға жәрдемдесудің белсенді шаралары бойынша іс-шараларды әзірлеу тәртібін;
- Жұмыспен қамтуға жәрдемдесудің белсенді шараларының тиімділігін бағалауды;
- Ұйымның қаржы-шаруашылық қызметін ұйымдастыруды;
- Экономика және құқық негіздерін;
- Өрт қауіпсіздігі ережелерін.
- Ұқсас талаптар Еңбек мобильдігі орталығының құрылымдық бөлімшесінің (бөлім, сектор) жетекшісіне де қойылады.
Бұйрық 2026 жылғы 11 шілдеден бастап қолданысқа енгізіледі.