ҚР президентінің кеңесшісі – баспасөз хатшысы Айбек Смадияровтың нақтылауынша, Қасым-Жомарт Тоқаевтың Түркияға ресми сапары 28-30 қазан күндеріне жоспарланған.
"Анкарада мемлекеттер басшылары кеңейтілген стратегиялық серіктестікті одан әрі нығайтуға бағытталған келіссөздер жүргізеді. Сондай-ақ Қазақстан Президенті Түркі мемлекеттері ұйымының 13-саммитіне қатысады", делінген хабарламада.
Бұған дейін Қасым-Жомарт Тоқаевқа Республика күніне орай АҚШ президенті Дональд Трамптан құттықтау жеделхаты келіп түскені, Америка басшысы желтоқсан айында өтетін G20 саммитінде Қазақстан президентімен кездесуді асыға күтетіні хабарланған.