Грин Маунтайн тауына шығу бойынша финалдық кезеңде , "Астана" командасының итальяндық велошабандозы Кристиан Скарони жарқын жеңіске жетті. Ал екінші легионеріміз, испандық Кристиан Родригес финишті екінші орында аяқтады. Үздік үштікті Адам Йейтс қорытындылады.
Сонымен қатар, Кристиан Скарони ұпайлық есеп бойынша ең үздік шабандозға берілетін жасыл жейдені жеңіп алды, ал XDS Astana Team командалық есепте бірінші орынға шықты.
Осылайша, "Оман туры" қорытындысы бойынша XDS Astana Team үш жылдық Әлемдік турдың (2026–2028) командалық рейтингінде 2488 ұпаймен көшбасшы болды.
Бұған дейін қысқы Олимпиадада 12 ақпан күні отандастарымыздың арасынан кімдер жарысқа түсетіндігін жазғанбыз.