Астанада екінші ауысымдағы оқушылар мен студенттер де қашықтан оқитын болды

10 қаңтарда елордада екінші ауысымда оқитын оқушылар мен колледждердің 1-2 курс студенттері қашықтан оқу форматына көшірілді. Бұл туралы Zakon.kz тілшісіне Астана қаласының білім басқармасынан хабарлады.

Басқарма өкілдерінің мәлімдеуінше, бұл шешім ауа райының нашарлауына және ауа температурасының -33°С-қа дейін төмендеуіне байланысты қабылданды.

"2023 жылғы 10 қаңтарда ауа райының нашарлауына байланысты 0-11 (12) сынып оқушылары мен екінші ауысымдағы колледждердің 1-2 курс студенттері қашықтан оқыту форматына көшуде", – делінген хабарламада.

Астанада, Солтүстік Қазақстан және Шығыс Қазақстан облыстарында оқушылар қашықтан оқуға көшірілді.