Алаяқ Түркістан қаласының тұрғынын миллион теңгеге алдап кеткен

ұсталды, ақша бопсалады, сурет - Zakon.kz жаңалық 28.03.2022 13:41

Сурет: pixabay

Түркістанда өтеусіз субсидия береміз деп, жергілікті тұрғындардың ақшасын алдап алған алаяқ ұсталды, деп хабарлайды Zakon.kz.

Жәбірленуші Түркістан қалалық ІІБ-нің кезекші бөліміне арызданып, өзін бейтаныс әйел мемлекеттен тегін субсидия алуға көмектесемін деп алдап кеткенін айтқан.

Жәбірленушіге келтірілген шығынның жалпы сомасы бір миллион теңгеге жуық.

Бұл факт сотқа дейінгі тергеулердің бірыңғай тізілімі бойынша, Қазақстан Республикасының Қылмыстық кодексiнің 190 бабы "Алаяқтық" бойынша тіркелген. Жедел-іздестіру іс-шараларының нәтижесінде полицейлер күдіктіні ұстап, одан әрі тергеу үшін қалалық әкімшілікке жеткізді. Облыстық ПД баспасөз қызметі

Күдіктінің бұрын алаяқтық жасағаны үшін сотталғаны атап өтілді. Қазір тергеу амалдары жүргізілуде.

Оқи отырыңыз