Бес адамды өлтірген Дужнов өмір бойына бас бостандығынан айырылды
Сурет: Zoom
Дужнов Игорь Ивановичқа өмір бойына бас бостандығынан айыру жазасы кесілді. Дужновтың жазасын өтеу орны төтенше қауіпсіздік қылмыстық-түзету жүйесінің мекемесін анықтау болып табылады. Үкім заңды күшіне енгенге дейін қамауға алу түріндегі бұлтартпау шарасы өзгеріссіз қалады. Сот төрағасы
Мемлекеттік айыптаушының айтуынша, жазаның түрі мен мөлшерін, Дужнов жасаған қылмыстардың сипаты мен қоғамдық қауіптілік дәрежесін, оның жеке басын, қылмыс жасағанға дейінгі және одан кейінгі мінез-құлқын, сондай-ақ жәбірленушінің пікірі назарға алынды.
Дужнов бес адамды өлтірді. Атыс қаруын қолданды, жазаны ауырлататын мән-жай болып табылады.
Үкімге сотталушының өз кінәсін мойындамауы да әсер етті.
Еске салайық, 2021 жылдың 20 қыркүйегінде Алматының Алатау ауданындағы Ақбұлақ шағын ауданында 54 жастағы Игорь Дужнов оқ жаудырған. Бес адам қайтыс болды. Олардың арасында сот орындаушысы, екі полицей және екі бейбіт тұрғын бар. Белгілі болғандай, бейбіт тұрғындардың бірі үйдің жаңа қожайыны болса, екіншісі оның танысы.
Дужновқа қатысты «Кісі өлтіру» және «Билік өкіліне шабуыл» жасау бабы бойынша тергеу жүрген.
