2022 жылы бидай өнімі қандай болады

Бидай өнімі, сурет - Zakon.kz жаңалық 26.07.2022 13:58

Сурет: pixabay

ҚР Ауыл шаруашылығы министрі Ербол Қарашүкеев биыл бидайдың түсімі орташа жылдық көлемнен 15-20 пайызға жоғары болатынын айтты, деп хабарлайды Zakon.kz.

Биыл көктемгі егіс жұмыстарын дер кезінде жүргіздік, ауыл шаруашылығы тауарын өндірушілерді қажеттінің бәрімен қамтамасыз еттік, бидайдың биылғы болжамы 13-13,5 миллион тонна деңгейінде болмақ. Өткен жылмен салыстырғанда біз соңғы бес жылда орташа жылдық көлемдер деңгейінде 15-20 пайызға артық өнім алуды күтеміз. Қазақстан Республикасының Ауыл шаруашылығы министрі Ербол Қарашүкеев

Министрдің айтуынша, бидайдың 6 миллион тоннасы ішкі тұтынуға жіберілсе, қалғаны астық пен ұн түрінде экспортқа жіберіледі.

Бұған дейін Ауыл шаруашылығы министрлігінің басшысы биыл 44 мың тоннаға жуық қызылша қантын және 225 мың тонна құрақ қантын өндіру күтіліп отырғанын айтқан болатын. Осылайша, қантпен өзін-өзі қамтамасыз ету 49% деңгейінде болжануда.

Оқи отырыңыз