Нұржан Құдайбергенов Алматы облысы әкімінің орынбасары болып тағайындалды
Сурет: gov.kz
Облыс әкімінің баспасөз қызметі хабарлағандай, Алматы облысы әкімінің өкімімен және Президент Әкімшілігінің келісімімен Нұржан Құдайбергенов Алматы облысы әкімінің орынбасары болып тағайындалды.
Нұржан Құдайбергенов 1963 жылы дүниеге келген. 1986 жылы Алматы сәулет-құрылыс институтын сәулетші мамандығы бойынша, 2010 жылы Т.Рысқұлов атындағы Қазақ экономикалық университетін «Экономика және бизнес» мамандығы бойынша бітірген.
Еңбек жолын 1986 жылы Қазақстан фосфор өндірісі ғылыми-зерттеу институтында инженер болып бастады.
Осы жылдар ішінде «Алматы бас жоспары» мемлекеттік жобалау институтының сәулетшісі, «Сәулет» шағын сәулет-өнеркәсіптік кәсіпорнының сәулетшісі, «Геоәулет» мемлекеттік коммуналдық қазыналық кәсіпорнының инженер-сәулетшісі, бас маманы қызметтерін атқарды. - Іле ауданы әкімі аппаратының бас сәулетшісі, Іле аудандық қала құрылысы және құрылыс бөлімінің басшысы, Еңбекшіқазақ ауданы Текелі қаласы әкімінің орынбасарлары, Еңбекшіқазақ ауданы әкімінің бірінші орынбасары.
2019 жылдың қыркүйегінен бастап Райымбек ауданының әкімі болып жұмыс істеді.
23 тамызда Алматы облысының әкімдігінде кадрлық өзгерістер болды. Облыс әкімі Марат Сұлтанғазиев бірқатар басқарма басшыларын тағайындады.
