Ақмола облысында жолда қалған 80-нен астам адам құтқарылды
![Аязда жолда қалып қалған адамдар құтқарылды, сурет - Zakon.kz жаңалық 28.11.2022 15:24](https://kaz.zakon.kz/pbi/WEBP/2023-12-20/file-09eb1df0-4a6b-43ad-a4c9-55e310e28839/800x451.webp)
Ақмола облысында жолда қалған 80-нен астам адам құтқарылды. Олар өткен демалыс күндері аязға қарамастан жолға шығып кеткен, деп хабарлайды Zakon.kz.
«Астана-Павлодар» тас жолында сынып қалған автобустан 11 адам қауіпсіз жерге жеткізілді. Сондай-ақ қатты аяз салдарынан «Екатеринбург - Алматы» бағытында жолда қалған автобустан 62 адам эвакуацияланды, оның 8-і бала.
Құтқарылғандардың 42-сі Тәжікстан, қалғаны Өзбекстан мен Ресей азаматтары. Бәрі бейімдеу орталығына орналастырылды, деп жазады qazaqstan.tv.
Ал Қарағанды облысында 22 адам құтқарылды. Өткен түнде Осакаров ауданы Молодёжный ауылынан 3 шақырым жерде жолаушылар көлігі техникалық ақауға байланысты тоқтап қалған. 2 адам ауылға жеткізілді. Ал Шет ауданында «Алматы-Екатеринбург» тас жолында істен шыққан автобустан 19 адам Ақсу-Аюлы ауылына апарылды.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript