Астанада Қордай көшесіндегі учаске жөндеу жұмысына байланысты жабылды

Астананың Қордай көшесінде жол төсемін жөндеу басталды. Бұл жөнінде Zakon.kz басылымына қала әкімдігі хабарлады.

Орташа жөндеу жұмысы осы жылдың 2-8 мамыры аралығында жүреді. Осыған байланысты Б.Момышұлы даңғылынан Балқантау көшесіне дейінгі учаскеде Қордай көшесі бойынша автокөлік құралдары үшін қозғалыс толығымен жабылды.

"Елорда тұрғындары мен қонақтары жолдардағы кептеліс жағдайларын болдырмау мақсатында өз маршрутын алдын ала жоспарлауы қажет", – делінген хабарламада.

Қалалық қоғамдық көлік қозғалысының өзгертілген схемасымен CTS ЖШС-нің Instsgram-дағы ресми парақшасынан көруге болады.