Астанада Московская көшесі ішінара жабылды

Астанада Московская көшесіндегі жол учаскесі орташа жөндеу жұмыстарына байланысты жабылды, деп хабарлайды Zakon.kz.

Қала әкімдігінің ресми сайтындағы мәліметке сүйенсек, Бекетай көшесінен Потанин көшесіне дейінгі аралықтағы учаскеде жол жөндеу жұмыстары жүргізіліп жатыр. 

Осыған байланысты аталған жол учаскесінде 10-11 шілде аралығында автокөлік құралдары үшін қозғалыс толығымен шектеледі.

Елорда тұрғындары мен қонақтарынан қала жолдарындағы кептелістерді болдырмас үшін жүріс бағытын алдын ала жоспарлап алу сұралады. 

Бұған дейін елордада тағы екі көше ішінара жабылғаны белгілі болды.