Алматыдағы Райымбек даңғылының бойымен жүруге бір айға шектеу қойылады

Алматыдағы Райымбек көшесі жабылады, сурет - Zakon.kz жаңалық 26.07.2023 15:17

Сурет: pixabay

Алматыда құбырдағы жоспарлы жұмыстарға байланысты Райымбек даңғылының бір бөлігінде бір ай бойы жол жүруге жартылай шектеу қойылады, деп хабарлайды Zakon.kz.

Бұл туралы "Алматы жылу желілері" ЖШС баспасөз қызметінен хабарлады:

"28 шілдеде сағат 22:00-ден 27 тамызға дейін Алматының Жетісу ауданында Райымбек даңғылы бойымен – Байзақов көшесінен Батыс бағыттағы Казаков көшесіне дейін автокөліктер үшін қозғалыс жабылады".

Компанияда аталған жол учаскесінің жүру бөлігімен өтетін құбырдағы жоспарлы жұмыстар кезінде қауіпсіздікті қамтамасыз ету үшін уақытша шектеулер енгізілгенін түсіндірді.

Қолайсыздықтарға түсіністікпен қарап, көрсетілген учаскені айналып өту жолдарын алдын ала болжауларыңызды сұраймыз", - деп хабарлады оңтүстік астананың қонақтары мен тұрғындарына "Алматы жылу желілері" ЖШС баспасөз қызметі.

Бұған дейін Алматы әкімі Ерболат Досаев мегаполистегі Сайын көшесін ұзартудың қашан аяқталатынын айтқан болатын.

Оқи отырыңыз