Астанада жүк көліктерінің аккумуляторын ұрлаған ер адам ұсталды

Заң бұзған адам жауапқа тартылды, сурет - Zakon.kz жаңалық 31.10.2023 10:38

Сурет: ҚР ІІМ

Жедел-іздестіру шаралары барысында Алматы аудандық полиция басқармасының қызметкерлері аккумулятор ұрлығымен айналысты деген күдікпен 30 жастағы ер адамды анықтады.

Астана тұрғыны бір түнде екі жүк көлігін тонап, төрт аккумуляторын алып кеткені белгілі болған. Ол, түнгі уақытта Игишева көшесіндегі салынып жатқан нысанның жанында құлыпты бұзып, қоймаға кіріп, SHACMAN автокөлігінің екі аккумуляторын шығарып, жалпы сомасы 176 мың теңге залал келтірген.

Сол түні ол Шалкөде көшесіндегі бір үйдің ауласына кіріп, тағыда КАМаз көлігінің BARS аккумуляторларын ұрлап кеткен. Бейнебақылау камералары арқылы полицейлер ер адамның жүрген жерін келе жатқан көліктің бағыты арқылы қадағалап, соңғысының орналасқан жерін жылдам анықтаған.

Осыған ұқсас қылмыстарды жасағаны үшін пробациялық бақылауға алынған азамат Астана қаласы ДП уақытша ұстау изоляторына қамалды.

Полиция қызметкерлерімен заттай айғақ алынып, оған қатысты ҚР Қылмыстық кодексінің 188-бабының 3-бөлігі (Ұрлық) бойынша сотқа дейінгі тергеу амалдары басталды.

Оқи отырыңыз