Жаңалықтар тізбегі
0

5 ауыл Балқаш көлінен су ішіп отыр

5 ауыл Балқаш көлінен су ішіп отыр Сурет: Zakon.kz
Жамбыл облысы Мойынқұм ауданындағы бес ауыл әлі күнге көлдің суын ішіп отыр. Өйткені жарты млрд теңге жұмсалған су стансасы 10 жылдан бері істемейді.

Айдынның ащы суын тұщыға айналдыратын құрылғы күйіп кеткендіктен тұрғындар балықтың дәмі бар суды ішуге мәжбүр. Шығанақ ауылына амалдау үшін Шудан қос цистернамен су жеткізіледі.

Қазір тіршілік нәрінен тарыққан елді мекендер қатарында Мирный, Бұрыл, Байтал, Мыңарал бар. Балқаш көлі 12 метрге тартылғандықтан, су стансасы жағада қалып қояды, деп жазады qazaqstan.tv.

Сондықтан суды тазалай алмайды. Әкімдік 15 жыл бұрын салынған су стансасы сапасыз болғанын мойындайды. Биыл оны жөндеуге тағы 312 млн теңге бөлмек.

"Қазір ішіп жатқан суымыз таза су емес. Балқаштың суы Фильтр жасайды да, ол да істемей қалды. Құр соны ішіп жатырмыз енді, оны елдің бәрі біледі. Ведроға қойсаңыз, мынадай слой батпақ шығады." Рахымбай Түсіпов, Шығанақ ауылының тұрғыны

Тәтті су Шығанаққа менің есебіммен, қазір мердігерлер жасап жатыр ғой, жұмысты бастап. Бірақ ол жердің ауа райының қолайсыздығына байланысты ақпанда жұмыс тоқтайды. 100 пайыз есептеп отырмыз, көктемде ауызсу құдай қаласа толық беріледі деп. Оған дейін берілмейді, - дейді Сәбит Төлегенов, Мойынқұм ауданы әкімінің орынбасары.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: