Бишімбаевты күзетпен ұстау мерзімі 9 наурызға дейін ұзартылды

Салтанат Нүкенованың өлтірді деген күдікке ілінген бұрынғы Ұлттық экономика министрі Қуандық Бишімбаевты күзетпен ұстау мерзімі тағы екі айға, 9 наурызға дейін ұзартылды.

Бұл туралы Kazinform хабарлады.

"2024 жылғы 9 қаңтарда Астананың мамандандырылған ауданаралық тергеу соты күдікті Қуандық Бишімбаевқа қатысты күзетпен ұстау түріндегі бұлтартпау шарасын 2024 жылғы 9 наурызға дейін ұзартуды санкцияланды", - деп хабарлады сот басылымға.

Сондай-ақ Астана соты өзге мәліметтерді Қылмыстық-процестік кодекстің 201-бабына сәйкес жариялауға болмайтынын ескертті.

Еске салайық, 2023 жылғы 9 қарашада бұрынғы ұлттық экономика министрі Қуандық Бишімбаев әйелін өлтірді деген күдікпен ұсталды.

Қайғылы оқиға астанадағы Bau мейрамханасында болды.

Кейінірек Салтанат Нүкенова қаза тапқан "Гастро-центр" директоры да қамауға алынғаны белгілі болды.

Қасым-Жомарт Тоқаев Бишімбаев ісі бойынша Ішкі істер министрлігіне арнайы тапсырма берді.

Оқи отырыңыз

20 мамырда еліміздің басым бөлігінде жаңбыр жауады деп болжанады

17:00, 19 мамыр 2024

Астана, Алматы және Шымкент: 19-21 мамырға арналған ауа райы болжамы

11:22, 19 мамыр 2024

Еліміздің 18 өңірінде қолайсыз ауа райына байланысты ескерту жасалды

17:57, 18 мамыр 2024