Қазақстандағы бір сағаттық белдеу гаджеттердің жұмысына қалай әсер етеді

Сурет: unsplash

2024 жылдың 31 қаңтарында Мәжіліс алаңында Сауда және интеграция министрі Арман Шаққалиев Қазақстанда бірыңғай сағат белдеуін енгізу аясында гаджеттердің жұмысында қандай да бір жүйе ақаулығы болмайтынын айтты, деп хабарлайды Zakon.kz. тілшісі.

Сауда және интеграция министрі бірыңғай уақыт белдеуін енгізу туралы шешім қабылданғанын атап өтті.

"1 наурыздан бастап біз бір уақыт белдеуінде боламыз", - деп еске салды Арман Шаққалиев.

Министрдің айтуынша, гаджеттердің жұмысында ақаулар болмайды.

"Бүгінгі күні барлық гаджеттердің автоматты түрде синхрондалатынын сенімді түрде айта аламын, яғни параметрлерге қолмен кірудің қажеті жоқ. Біз мұны Сауда және интеграция министрлігіндегі әріптестерімізбен талқыладық, олар бұл мәселеде ешқандай қиындық көріп отырған жоқ. Мамандардың айтуынша, олар 1 наурыз күні сағат 00:00-де автоматты түрде синхрондалады.Теміржол және әуе билеттеріне келетін болсақ, әріптестер, бұл мәселемен бірінші рет кездесіп отырған жоқпыз. Өтпелі кезеңнің техникалық аспектілеріне қатысты бәрі, билеттерді синхрондаумен байланысты барлығы – осы жұмыстардың барлығы атқарылуда. Бұл аяқ асты болып жатқан жоқ қой", – дейді Арман Шаққалиев.

Бұған дейін ол Шығыс Қазақстан облысы тұрғындарының арыз-шағымдарына байланысты Қазақстандағы сағат белдеуін өзгерту шешімі жойылмайтынын айтқан. Арман Шаққалиев қаулы қабылданғанын баса айтты.

Оқи отырыңыз