"Алматы-Бішкек" автожолында үздіксіз көлік қозғалысы қамтамасыз етілді

10-наурыздың кешінде Алматы-Бішкек автожолының км 101-143 учаскесінде тұман болып, екі бағытта да көлік қозғалысының жылдамдығы төмендеген болатын, деп хабарлайды Zakon.kz.

Бұл автожолды айналып өтетін, жалпы ұзындығы 2,5 шақырымдық 2 учаске бар. Діттеген жерлеріне тездетіп жету мақсатында көптеген жүргізушілер айналма жолға шығып, даладағы батпаққа батқан. "ҚазАвтоЖол" ҰК" АҚ қызметкерлері жедел әрекет етіп, көліктерді сүйреп шығаруға көмектесті.

Сондай-ақ, автожолда сынып қалған ауыр салмақты жүк көлік салдарынан көліктердің уақытша кептелісі орын алғанын хабарлаймыз. Алайда, жол қызметкерлері ұйымдасқан жұмыстары арқылы жол-көлік апаттарын болдырмай, көлік қозғалысын қалыпқа келтірді.

Қазіргі сәтте аталмыш бағытта көлік қозғалысына шектеу жоқ, қауіпсіз қозғалыс қамтамасыз етілген.