Астаналық кәсіпкерлерге электр энергия құны арзандайды

Астанада электр энергия құны арзандайды. Бірақ, тек кәсіпкерлерге ғана. 1 маусымнан бастап бизнес өкілдері үшін жарық 18 пайызға арзандады.

Ұлттық экономика министрлігінің мәлімдеуінше, "Астанаэнергосбыт" компаниясы заңды тұлғалар үшін электр қуатының тарифін түсірді.

Қолданысқа енетін тариф 1 кВт/сағатына 38 теңге 35 тиыннан - 31 теңге 45 тиынға төмендейді. Яғни, 6 теңге 9 тиынға арзандайды.

"Бұл тариф барлық кәсіпкерлік субъектілеріне қатысты болады. Яғни, ірі, шағын және орта бизнес өкілдері де осы бекітілген тариф құнымен төлейді. Сондай-ақ барлық кәсіпкерлік субъектілеріне бірыңғай тариф жүйесі енгізіледі." Қанат Құлназаров, Табиғи монополияларды реттеу комитетінің Астана қаласы бойынша департаментінің басшысы