Павлодарда жан түршігерлік кісі өлімі болды

Павлодарда өтіп бара жатқан адамдардың көзінше ер адамды пышақтап өлтірді, деп хабарлайды Zakon.kz.

Оның үстіне оқиғаны куәгерлердің бірі видеоға түсіріп алған. Онда қанды қолына пышақ ұстаған ер адам жерде жатқан адамнан алыстап, жақын жердегі орындыққа жайғасып, бірдеңе айтып жатады. Кадр артында біреулер полиция шақырмақ болып жатыр, әйелдер мен балалардың дауысы естіледі.

"Павлодарда кәмелетке толған ер адам белгісіз себептермен басқа адамның тамағын тіліп жіберіп, орындыққа жайлап барып, отырады, - делінген видеоның түсініктемесінде.

Павлодар облыстық полиция департаментінің баспасөз қызметі кісі өлтіру дерегі бойынша сотқа дейінгі тергеу басталғанын хабарлады.

Посмотреть эту публикацию в Instagram

Публикация от Организация (@dp_pavlodar)

"Күдікті ұсталып, Павлодар полиция басқармасының уақытша ұстау изоляторына қамалды. Қазіргі уақытта оқиғаның барлық мән-жайы анықталуда. Тергеу мүддесі үшін басқа да мәліметтер жариялануда", - деді полиция департаментіндегілер.

Осыған дейін Шымкентте әкесі баласын өлтіріп, есі дұрыс емес кезде қылмыс жасады деп түрмеден қашып кеткен оқиға туралы айтқан болатынбыз.