Саран қаласындағы жылу беру маусымындағы жағдай Үкіметтің бақылауында

Батареи, отопление, теплоснабжение, тепло, система отопления, отопительная система, отсутствие отопления, холодные батареи, радиатор, радиатор отопления, радиаторы отопления, центральное отопление, сурет - Zakon.kz жаңалық 15.10.2024 10:38

Фото: freepik

Саран қаласында қазандық бұзылған. Дегенмен шаһар әкімдігі бүгін үйлерді толық жылумен қамтамасыз етуге уәде берді, деп хабарлайды Zakon.kz.

15 қазанда өткен ҚР Үкіметінің отырысында Қарағанды облысының әкімі Ермағанбет Бөлекпаев мәлім еткендей, Саран қаласындағы қазандық 13 қазанда пайдалануға берілді. Алайда, ақаулыққа байланысты қазандықтың жұмысын тоқтатуға тура келді.

"Ақаулыққа байланысты резервтік қазандықты қосу туралы шешім қабылданды, біз күннің соңына дейін үйлерді жылумен қамтамасыз етеміз ", — деді Ермағанбет Бөлекпаев.

Қазақстан Республикасының Премьер-Министрі Олжас Бектенов апат үшін бірінші кезекте Саран қаласының әкіміне жеке жауапкершілік жүктелетінін атап өтті. Облыс әкімі тарапынан да тиісті бақылау болмаған.

"Бүгін бәрін аяқтау қажет. Бірінші кезекте, бұл – Саран қаласы әкімінің жеке жауапкершілігі және облыс әкімдігі тарапынан тиісті бақылаудың жоқтығы. Менің тапсырмам бойынша қазір тексеріс жүріп жатыр. Жылу беретін нысанның дайындығы туралы жалған ақпарат берген адамдардардың барлығы жауапкершілікке тартылады. Осы отырыстан кейін энергетика министрі Саран қаласына барып, өзі бәрін тексереді. Тексеру нәтижесі бойынша материалдарды құқық қорғау органдарына жібереміз. Егер қылмыстың құрамы бар болатын болса, кінәлі адамдардың бәрі қылмыстық жауапкершілікке тартылады", — деп атап өтті Олжас Бектенов.

2024 жылдың 13 қазанында Саран қаласының тұрғындары жылусыз қалғаны бұған дейін хабарланған болатын. Қала жаңа жылу орталығын іске қоса алмай, ескі қазандықтарға қайта оралды.

Оқи отырыңыз