Астанадағы мерекелік отшашуды тамашалауға 10 мыңнан астам адам жиналды

Астанадағы Триатлон саябағында мерекелік отшашу өтті, деп хабарлайды Zakon.kz қалалық әкімдіктің баспасөз қызметіне сілтеме жасап.

Отшашуды тамашалауға 10 мыңнан астам адам жиналды. 4 минут ішінде аспанға биіктігі 30-дан 250 метрге дейін 2 500 отшашу ұшырылды. Ұзындығы 150 метрді құрады.

Сурет: Астана әкімдігінің баспасөз қызметі

Отшашу жеке демеушілік қаражат есебінен ұйымдастырылды.

Посмотреть эту публикацию в Instagram

Публикация от СМИ zakon.kz (@zakon.kz)

Айта кетейік, Астана тұрғындары мен қонақтары үшін айтулы мерекеге орай 100-ден астам түрлі форматтағы іс-шара (концерттер, қойылымдар, көрмелер, спорттық іс-шаралар және т.б.) өткізілді.

Сонымен қатар мереке аясында түрлі саладағы еңбек сіңірген қызметкерлер, еңбек ардагерлері, батылдық танытқан қазақстандықтар және тағы басқа тұлғалар марапатталды.

Сондай-ақ халықтың әлеуметтік осал топтарына 1 мыңнан астам азық-түлік себеті таратылды.