Бүгін еліміздің сегіз қаласында ауа сапасы нашарлайтыны ескертілді

Бүгін "Қазгидромет" РМК мамандары ауаның ластануына байланысты қолайсыз метеорологиялық жағдайларға (ҚМЖ) қатысты ақпарат ұсынды, деп хабарлайды Zakon.kz.

Оған сәйкес, бірден Қазақстанның сегіз қаласында ауа сапасы нашарлайтыны болжанады. 

"2025 жылғы 7 қаңтарда Павлодар, Өскемен, Семей, Риддер, Атырау, Ақтөбе, Алматы, түнде Астанада ауаның ластануымен байланысты қолайсыз метеорологиялық жағдайлар күтіледі". "Қазгидромет" РМК

Бұған дейін синоптиктер алдағы үш күнге – 2025 жылғы 7-9 қаңтар аралығында Қазақстан бойынша ауа райы болжамын ұсынған болатын. Оған сәйкес, еліміздің басым бөлігінде күн күрт суытып, аяз болатыны болжанады.