LRT құрылысына байланысты Астана тұрғындарына үндеу жасалды

2025 жылдың 8 сәуірінде "City Transportation Systems" (CTS) ЖШС Астана тұрғындары мен қонақтарына Ш. Қалдаяқов көшесіндегі қозғалыс LRT құрылысына байланысты өзгергенін мәлімдеді, деп хабарлайды Zakon.kz.

LRT құрылысы бойынша жұмыстарды жүргізу жоспарына сәйкес, Ш. Қалдаяқов көшесіндегі жол қозғалысын ұйымдастыру уақытша өзгертіледі:

• 10 сәуірден 25 сәуірге дейін – инженерлік желілерді қайта құру жұмыстарын жүргізуге байланысты Ш. Қалдаяқов көшесі бойынша, Тәуелсіздік даңғылынан Ж. Нәжімеденов көшесіне дейінгі учаскеде қозғалысты толық жабу жоспарлануда.
• 10 сәуірден 10 маусымға дейін – LRT объектісі жолының жоғарғы құрылымының элементтерін төсеу үшін парапеттер мен бетон негізді құю жұмыстарын жүргізуге байланысты Ж. Нәжімеденов көшесінен (И. Панфилов көшесі) Арыс көпірі бағытындағы қарсы қозғалыс жолағына шығатын екі жолаққа дейінгі қозғалыстар ішінара шектеледі және Сығанақ көшесі жағынан қозғалатын көлік үшін бұрылу жолағын сақтай отырып, Арыс көпірінен Ж.Нәжімеденов көшесі (И.Панфилов көшесі) бағытында бір жолаққа дейін қысқарту жүргізіледі.

"Сапарларыңызды алдын ала жоспарлауды сұраймыз және келтірілген қолайсыздық үшін кешірім сұраймыз!" "City Transportation Systems" (CTS) ЖШС

2025 жылдың 5 сәуірінде "City Transportation Systems" ЖШС жылжымалы құрам жеңіл рельсті көлік (LRT) жобасының бөлігі ретінде шығарылып жатқанын хабарлады.