Ішкі істер министрлігі қазақстандық балалар мен олардың ата-аналарына үндеу жолдады

23 мамырда ҚР ІІМ Әкімшілік полиция комитетінің төрағасы Қайсар Сұлтанбаев қазақстандық балалар мен олардың ата-аналарына үндеу жасады, деп хабарлайды Zakon.kz.

Балалардың қауіпсіздігі – Ішкі істер министрлігінің басты міндеттерінің бірі, деп хабарлады ведомствоның баспасөз қызметі.

Бұл бағытта елімізде:

• ювеналды полицияның жұмысы күшейтілді;
• оқу орындарының жанында патрульдер кезекшілік етеді;
• Әкімдіктермен бірлесе отырып, мектеп жанындағы жол инфрақұрылымы жақсартылып жатыр;
• кәмелетке толмағандарға қарсы қылмыстар үшін жаза қатайтылды;
• қорқыту мен қудалауға қарсы құқықтық шаралар енгізілді;
• Балалар мен ата-аналар сенім телефондары арқылы тәулік бойы көмек ала алады.

Мектептерде балалар жастайынан заң негіздерін оқып, жауапкершілікке баулитын "Жас сақшы" полиция сыныптары ашылып жатыр. Көптеген еріктілер әлеуметтік жобаларға қатысып, қоғамдық тәртіпті сақтауға үлес қосады.

"Сондықтан да ересектер әрқашан балалардың қасында болып, ілтипат пен қамқорлық танытуы өте маңызды", – делінген хабарламада.

15 мамырда қазақстандықтар Халықаралық отбасы күнін атап өтті.