Астанадағы Кенесары көшесінде бір-екі күнге көлік қозғалысы жабылады

Астанада А.Сембинова көшесінен Е.Брусиловский көшесіне дейінгі учаскедегі Кенесары көшесін орташа жөндеу жұмыстары жалғасуда. Осыған байланысты елордалық Көлік және жол-көлік инфрақұрылымын дамыту басқармасы жаңа үндеу жасады, деп хабарлайды Zakon.kz.

2025 жылдың 27-29 мамыры аралығында аталған учаскеде қозғалыс толығымен жабылатыны белгілі.

Жүргізушілер мен жаяу жүргіншілерден маршруттарын алдын ала жоспарлау және қозғалысты ұйымдастырудағы мүмкін болатын өзгерістерді ескеру ұсынылды.

"Қауіпсіздікті қамтамасыз ету және қолайсыздықты азайту үшін уақытша жол белгілері мен таңбалауыштары орнатылады", – деп толықтырды ведомстводан.

Сурет: Астана әкімдігінің баспасөз қызметі

Бұған дейін Қазақстан Көлік министрлігі ел тұрғындарына жағымды жаңалықпен үндеу тастаған болатын. Хабарламада айтылғандай, басқарма ақылы жолдардың ақауы бар учаскелерінде жол жүру ақысын алып тастауды көздеп отыр.