Енді қазақстандықтар полицейлерге жаңаша хабарласа алады

Ішкі істер министрлігі "Заң мен тәртіп" жаңа цифрлық сервисті іске қосты. Жеке батырманы Egov Mobile қосымшасында табуға болады, деп хабарлайды Zakon.kz.

Бұл жайлы бүгін, 2025 жылғы 27 мамырда ҚР ІІМ-нің баспасөз қызметі мәлімдеді.

"Оны басқан сәтте полицияға шағым жолдау терезесі ашылады. Енді кез келген құқық бұзушылық, тұрмыстық зорлық-зомбылық, жол-көлік оқиғасы, балаға қатысты оқыс оқиға немесе қоғамдық тәртіптің бұзылуы жөнінде бір ғана батырманы басу арқылы – қоңыраусыз және полиция бөліміне бармай-ақ хабарлауға болады",- делінген ақпаратта.

Полиция хабарламаны жедел қабылдап, бірден әрекет ететіндігі атап өтілді.

Қосымшаның қалай жұмыс істейтіні роликте көрсетілген.

Бұған дейін Ресейде екі адамды тірідей жерлеген "қылмыстық топ" ұсталғандығы хабарланған болатын.