Астанада бірнеше автобус маршруты уақытша тоқтатылды

"City Transportation Systems" ЖШС (CTS) Астана тұрғындары мен қонақтарына маңызы бар ақпаратты жариялады, деп хабарлайды Zakon.kz.

Компанияның 6 ақпан 2026 жылғы Telegram желісіндегі хабарламасында:

"Ауа райының нашарлауына байланысты уақытша 305, 312, 329 қалалық маршруттардың қызметі тоқтатылды", – делінген.

Естеріңізге сала кетейік, бұған дейін де ауа райының қолайсыздығына байланысты Астанада 0-9 сынып оқушылары қашықтан оқыту форматына көшірілген болатын.

Астанадағы 6, 7 және 8 ақпандағы ауа райы болжамымен төмендегі сілтеме арқылы танысуға болады.