Астанада LRT жолында бағдаршамдар орнатылды – себебі белгілі болды

Астаналықтар жеңіл рельсті көліктің (LRT) бойында жаңа бағдаршамдардың пайда болғанын байқады. City Transportation Systems компаниясы олардың мақсаты туралы түсініктеме берді, деп хабарлайды Zakon.kz.

Негізгі пойыз қозғалысы автоматтандырылған жүйе арқылы бақыланады.

"Дегенмен, бағдаршамдар қосымша қауіпсіздік резервтік жүйесі ретінде маңызды рөл атқарады. Олар төтенше жағдайларда пойыз қозғалысын бақылауға мүмкіндік береді және маневрлік операциялар кезінде қолданылады", – деп хабарлады CTS компаниясы.

Компания қосымша қорғау деңгейі жолаушылар мен персоналдың қауіпсіздігін қамтамасыз ететінін атап өтті.

Жалпы, желі бойына 187 жарықдиодты бағдаршам орнатылған – станцияларда, аралық учаскелерде және депо аумағында.

Астанада LRT жолында пуско-наладка жұмыстары жалғасып жатыр. Бұған дейін қала әкімі LRT-нің жұмысын көктемде бастау жоспарланғанын айтқан болатын.