Тоқаев Алтын Орда мұрасына арналған тақырыптық көрмені тамашалады

Қасым-Жомарт Тоқаев Алтын Орда тарихына арналған тақырыптық көрмемен танысты. Экспозицияда археологиялық, жазба және мәдени жәдігерлер көпшілік назарына ұсынылған.

Президентке Алтын Орда дәуіріне қатысты бірегей деректерді қамтитын интерактивті жобалар таныстырылды.

Сурет: akorda.kz

Көрме аясында 70 археологиялық және сәулеттік ескерткішті қамтитын интерактивті карта көрсетілді. Оның ішінде 17 нысанға кеңейтілген сипаттама беріліп, әуеден түсірілген фотосуреттер мен 3D-визуализация ұсынылды.

Сурет: akorda.kz

Экспозициядағы маңызды жәдігерлердің бірі – билеушілер мен тарихи тұлғалар туралы генеалогиялық деректерді қамтитын Хандар шежіресі қолжазбасы.

Сурет: akorda.kz

Сондай-ақ көрмеде Каталон атласы, тарихи жазба деректер, теңгелер мен тұрмыстық бұйымдар қойылған.

Сурет: akorda.kz

Жазба мұралар қатарында 3 жарлық, 4 дипломатиялық хат және 21 қолжазба түпнұсқа және электронды форматта ұсынылған.

Сурет: akorda.kz

Көрменің басты мақсаты – Алтын Орда мұрасын жан-жақты насихаттау және оның ғылыми зерттеу аясын кеңейту.