Қалың қар, нөсер жаңбыр және +28°C: демалыс күндері Қазақстанда ауа райы қандай болады

Қазақстанда алдағы демалыс күндері және келесі аптаның басында қатты жауын-шашын жауып, ауа температурасы +28°C-қа дейін көтеріледі, кей өңірлерде күн суытады. Бұл туралы "Қазгидромет" РМК баспасөз қызметі ұсынған 2026 жылғы 10, 11 және 12 қазанға арналған ауа райы болжамында айтылған.

Жаңбыр жауады деп болжанатын өңірлер:

• 10–11 қазанда – елдің оңтүстік-батысында;
• 11–12 қазанда – солтүстік-батысы мен солтүстігінде;
• 10 және 12 қазанда – шығысында;
• 12 қазанда – оңтүстігі мен оңтүстік-шығысында.

10 қазанда елдің шығысында жаңбыр мен қар жаууы мүмкін.

"10 қазанға қараған түні Шығыс Қазақстан облысында жаңбыр мен қар түрінде қатты жауын-шашын күтіледі. 12 қазанда Түркістан облысында қатты жаңбыр жауады деп болжанып отыр. Республика бойынша түнде және таңертең тұман түседі", – деп хабарлады "Қазгидромет" РМК баспасөз қызметі.

Күндіз ауа температурасы:

• елдің батысында +22…+27°C-қа дейін;
• солтүстік-батысында +17…+25°C-қа дейін;
• солтүстігінде +13…+20°C-қа дейін;
• орталығында +13…+22°C-қа дейін;
• шығысында +10…+22°C-қа дейін;
• оңтүстігінде, Қызылорда облысында +23…+28°C-қа дейін көтеріледі.

Түркістан облысында ауа температурасы +18…+23°C-қа дейін төмендейді деп күтілуде.

Ал Қазақстанның оңтүстік-шығысында ауа температурасы негізінен +17…+25°C болады.

Болжамға сәйкес, жауын-шашынсыз ауа райы:

• 10–12 қазанда – елдің орталығында;
• 10–11 қазанда – оңтүстігі мен оңтүстік-шығысында күтіледі.

Қазақстанның қай өңірлерінде 2026 жылғы 9 қазанға дауылды ескерту жарияланғанын сілтеме арқылы білуге болады.