Қар жауып, күн −6°C-қа дейін суытады: 13 қазаннан бастап Қазақстанда ауа райы күрт бұзылады

Қазақстанда 2026 жылғы 13–15 қазан аралығында жауын-шашын жауып, жел күшейеді, тұман түседі. "Қазгидромет" РМК синоптиктерінің болжамынша, осы күндері елдің басым бөлігінде ауа температурасы төмендейді, деп хабарлайды Zakon.kz.

Атмосфералық фронттардың өтуіне байланысты Қазақстанның басым бөлігінде жаңбыр мен қар жауады. Бейсенбі, 15 қазанда елдің шығысы мен оңтүстік-шығысында кей жерлерде қатты жауын-шашын күтіледі. Сол күні шығыс пен солтүстікте көктайғақ болады деп болжануда.

Ал орталық және оңтүстік өңірлерде көбіне жауын-шашынсыз ауа райы сақталады.

Ел аумағында жел күшейіп, түнгі және таңғы уақытта кей жерлерде тұман түседі.

Алдағы күндері ауа температурасы мынадай болады:

• Солтүстік-батыста күндіз +10…+22°C;
• Солтүстікте түнде −6…−1°C, күндіз +3…+13°C;
• Орталық өңірлерде түнде −6…+3°C, күндіз +4…+15°C;
• Шығыста түнде −5…+5°C, күндіз −1…+9°C;
• Оңтүстік-шығыста түнде +5…+10°C, таулы аудандарда −2…+3°C. Күндіз +10…+22°C, тауда +5…+10°C.

Бүгінгі, 12 қазандағы ел аумағы бойынша ауа райы болжамын мына сілтемеден білуге болады.